Vova dia Kongo

25 novembre 2008

Appel Patriotique aux soldats Congolais

Chers freres,
ne lachez pas prise. Sur vos epaules reposesnt les espoirs de tout un peuple, de toute une nation.
L'etat congolais, represente par le gouvernement, le parlement et les cours et tribunaux ont plus que faillis a leur mission.

La seule institution restante qui represente encore notre peuple; c'est vous: l'armee.
Prenez donc vos responsabilites et assumez le role qui doit etre votre: Protecteur du peuple et de l'integrite territoriale.

Faites fi des ordres contradictoires ou iniques que vous recevez de votre hierarchie, car contrairement a vous qui faite partie integrante du peuple, eux se sont deja vendus aux etrangers et contribuent a votre perte et a la destruction et avilissement de notre nation.

Rebellez vous pour la bonne cause et bouttez l'ennemi dehors. Nul ne peut vous blamer pour avoir gagner une guerre d'agression. Vous etes les FORCES ARMEES de notre Nation. Vous etes l'ARMEE NATIONALE. Les autres en face de vous sont des etrangers ou au service de l'etrangers et des terroristes. La Legitimite et l'appui du peuple est derriere vous.

Faites en bon usage.

01 octobre 2008

RDC, Totika Kanda, Toluka Lobiko

Tolimbisa bato oyo basala biso mabe, toluka kokende liboso na esika ete tolekisaka tango pe mayele na biso pona kokanisaka bango. Esengeli tyokombola mabe basala biso pe tobuaka yango na mayi, kasi tobosana te ndenge nini mabe yango esalamaki pona na mbala ya sima bakoka kosala biso yango lisusu te.
Leopold II, Stanley, Livingstone, Belgique, Kasa-Vubu, Mobutu, Kabila na Joseph Kabila Kabange; tobosani te na bato lokola ba Kengo na baninga na bango nionso oyo baniokolaki to bazali koniokola peuple ti lelo; TOLIMBISI BINO, BOZALA NA KIMIA ESIKA BOZALI.

Kasi biso peuple ya Congo esengeli tomitala po tomi yeba, tomitala po toyeba ndenge nini monguna ayingelaki o kati ya biso pe asili kopanza biso lokola ekolo ya singlasse. Tokoma biteni biteni, topanzana mokili mobimba.

• Ya yambo esika nionso tozali, bana ya Congo toluka tozala liboke. Tosangana pe tomibatela pe tomisalisana. Soki oyebi esika congolais avandaka, luka ye pe yeba nini azali kosala. Luka po soki likambo to pe posa ya eloko, obanda nanu koluka epayi ya bandeko na yo. Soki bazali na yango te nde okeyi koluka libanda. Baninga nionso ya bikolo misusu basalaka be bongo. Soki ya ndeko na yo ezali mabe, lakisa ndenge nini akoki kobongisa pote mbala ya sima okoka kozua eloko ya malamu: kokima ye te pe kokende na mopanzi te pona kotongo to pe koseka ye.
  Yo pe ndeko soki balobeli yo obongisa, kosilika te pe kobengana baninga te po ezali pona bolamu ya lisanga. Tofungola matoyi pe toyokaka toli ya baninga. Mosapi moko epanguisaka elongi te.
• Na oyo etali mboka na biso totika maloba ya mabe. Kofingana ezali na tina te pe ememaka be na bitumba. Toluka ndenge nini ya kosikola mboka na bosembo po peuple nde moto aponaka. Ata bakonzi basali matoyi mangongi, soki peuple atelemi, bakotika nzela. Kasi esengeli peuple ATELEMA LOKOLA MOTO MOKO. Kozela te baninga babunda ebongo yo oya kaka kotala. Ekosimba te! po esengeli moto nionso atia maboko.
• Toluka information ya nini ezali koleka na mboka, totika kolekisa tango na masolo ezanga moto na makolo. Matongi ya pamba pamba, miziki na ba theatres ezala na tango na yango. Po yango ezali pona kosepelisa biso na tango ya bopemi, EZALA TONGO TI POKUA TE.  Yango biso topemaka 24 sur 24? Tango nionso kaka Koffi alobaki boye, Werra asalaki boye, Wemba azalaki kuna. Ebongo soki basali oyo bazali kosala ya yo nini? Wana ezali mosala na bango. Ya yo mosala wapi? Bakonzi ya mboka bakoma kotala biso pamba pona biso moko tomikitisa pe tomizongisa sima. Okokuta ba tata mibimba bazali kosuana pona oyo alobi ete motuka ya JB eleki ya Werra. Ebongo yo moto ozali kosuana motuka nini ozali na yango? Ata kinga ya pamba kutu nanu osomba te na bomoyi na yo mobimba. Mbeto ya pamba kutu ya matiti ozali na yango te. Olalaka na etoko, kasi olingi kaka otelemaka na ba coins kodistraire ba ndeko misusu oyo bazali kokanisa basala eloko pona lokumu ya ekolo. Tango yo ozolekisa ngona na yo na makambo ya bolole, bakonzi bazali koyiba pe kolekisa mibeko ya mabe oyo ezali kotekisa mboka, yo ozoloba eloko te.
• Totelemela gouvernement po bazali bana misala na biso. PEUPLE NDE MOTO ZALAKI MOKONZI,  bango bazali BANA BITINDA NA BISO!!!  Biso nde topesi bango nzela ya kosalela biso. YANGO TINA TOVOTAKI BANGO!!!  Soki mosala bazali kosala ezali malamu te TOZALI PE NA KIMONKONZI YA KOLONGOLA BANGO NA ESIKA TOTIAKI BANGO!!! Ndeko kobanga leta te! LETA EZALI YO, NGA, BISO BANSO! TOFUNGOLA MISO PE TOMIYEBA.

TOLINGA MBOKA NA BISO, TOMILINGA, PE TOMIYEBA NANI TOZALI.

Kasi kolimbisa yango elakisi te ete tondimaka kaka bozoba ya ba mindele ba yelaka biso. TOZUA YA MALAMU, OYO EZALI KOBAKISA NA BOLAMU NA BISO, kasi toboya ya mabe. Congolais akoki kobeta moninga na ye congolais masasi te, totika kobomana.

• Yo soda, sokoto, mandoki mpe bilia na yo esombamaka na mbongo ya mpaku peuple afutaka leta; okobeta pe koboma ye pona nini? Ba politiciens te bato bafutaka yo, company nini batonga na mboka oyo ekotiselaka bango mbongo? Basala ba usines te, mbongo yo na muasi pe bana na yo boliaka ewutaka na mabenga ya ba civils po bango nde bafutaka mpako. Mpako = Impot = ba tickets oyo ba mamas bafutaka na zando tongo nionso, mbongo ba ba quittances nionso oyo efutamaka na matadi, to pe ba bureau nionso ya leta pona kosunga misala ya leta. EBONGO YO SODA TO POLICIER TO PE YO MOTO YA ANR, OKONIOKOLA MOTO AFUTAKA YO PONA NINI? Soki oza na posa ya koniokola moto, niokola mokonzi oyo peuple atie na mosala pe azali kofuta mbongo kasi azali kosala eloko te.
• Yo ministre: ozali kotambola na mercedes 4x4, ozali komata mpepo pe kolala na ndako ya malonga kuna na mbinza. Okanisi mbongo wana lokola eza ya cooperation Belge to pe ya wapi ezali ya peuple te? Ozali komikosa, ozali KOYIBA MBONGO YA MONDELE TE,KASI OZALI KOYIBA NDE MBONGO YA PEUPLE.  MOKONZI NA YO YA YAMBO, MOTO AZUA YO NA MOSALA. Okanisi Kabila nde Nzambe na yo? Lokuta! Nzambe na yo esengeli ezala PEUPLE po ye nde moto akofuta niongo ya mbongo nionso oyo yo ozali koliya. Mbala boni osi omona mokonzi moko abimisi mbongo na libenga na ye pe afuti leta? Nionso kaka ewutaka na libenga ya peuple. 
• Yo depute to senateur: peuple aponi yo pe avandisi yo na kiti ya bokonzi. okomi kuna obaluki pe obosani mingongo oyo ekotisaki yo na palais du peuple. Okomi kolanda president to ba mindele po bapesaka yo mbongo ovotaka mibeko ya mabe pona koniokola peuple to pe po okanga miso na mabe ya gouvernement. OBOSANI ETE PEUPLE ATIAKI YO KUNA PO OTIA MISO NA MOSALA YA GOUVERNEMENT PO ETENGAMA TE. OTIKI NA YO PEUPLE PAMBA PO OLANDI MOSOLO. YEBAKA ETE MANDAT PE ESILAKA, OKOZONGA KAKA LIBOSO YA PEUPLE.
• Bino ba Zuzi ya ekolo: bino nde bokaki kotanga mibeko pe kosalela yango. Bokoma na bino ba baba, bozali kobanga balongola bino misala. Bomonaka baninga na bino ya ba mboka misusu te? bolandaki pakistan? BOZALA NDE NEUTRES, ET INDEPENDENTS,  bakonzi oyo bino bozali kobanga po bapesaka bino mua ba makuta ya mike mike bakokoma kobanga bino pe bakopesa bino lokumu pe mboka ekotambola malamu.
• Bino ba opposants, bosala opposition na ndenge ya malamu. Botika kofinga pe kopanza ba sango ya lokuta. Soki olobi likambo, meka kopesa ba peleve po ezala polele. Ezala te botiaka kaka molunge soki bozali libanda. Tango bakobenga yo butu butu pe bakabeli yo mosolo to pe bapesi yo ebonga obaloli kazaka okomi kobimisa ba secrets ya baninga, na ya solo na ya lokuta. Obosani maloba yo moko obimisa na monoko na yo. OKOMI NA PHILOSOPHIE YA : TOUR NA NGA PE NAMIKANISA PE NALIA NGA NA FAMILLE NA NGA.

MOTO NA MOTO ASALA MOSALA NA YE NA NDENGE ELONLONGOBANI, KIMIA EKOZONGA NA MBOKA PE MOSALA EKOKENDE LIBOSO.
CONGOLAIS TOTIKA EGOISME, TOKIKA KOKANISA KAKA PONA MINOKO NA BISO, TOKANISA PE BANA TOBOTA NA BA OYO TOBOTI NANU TE. BAKOLIA NINI, BAKOVANDA WAPI? BAKOZALA BANANI?

27 septembre 2008

Tokumisi Bino!

http://video.aol.com/video-detail/larme-congolaise-attaque-les-insurgs/3322165319

Ya solo esengeli tokumisa bino po bobotoli mabele ya bankoko na bino oyo esilaki kokweya na maboko ya banguna.
Esengo koyoka ete bozui Tongo, Butare na Kabizo, kasi ezala te lokola mbula oyo elekaki, bolongaki pe ba mboka wana kasi esilaki kosuka be na maboko ya bampaya. Ya mbala oyo botelema te po na kosepela, bozala miso polele pe boyika mpiko na etumba po bobengana monguna pona libela.

Nzambe abatela bino, ata bakambi na bino bazali na yawuli, bino boyika mpiko.

01 septembre 2008

Miyeba! Mpangi ya munu! Tika Bompaya!

Yo Kongolais to pe yo mpangi Ne-Kongo, miyeba soki oza nani!
Mibimisa na bohumbu, pesa lokumu na bonkoko mpe bankonko na yo.
Banda na nkombo na yo, longola ba nkombo ya bampaya, po bango bazuaka ya yo te, mpe bakotikalaka ata mokolo moko te kozua nkombo na yo to pe ya bankoko na yo!

Yo omibengaka "Robert", "Desire" to "Joseph", ti otambolaka mikili ya ba bampaya, mokolo nini osi okutana na mopaya ya mondele na kombo ya "Moseka" to "Mujinga" to pe "Matondo"? Mokolo nini okoma na mboka mopaya omoni kombo na yango "Matadi" to "Kipushi"?
Mokolo nini okenda na mboka ya bampaya mpe okuti bango bazali kosolola na "Lingala", "Swahili", "Tshiluba" to pe "Kikongo"?

Biso bana ya Kongo esengeli to miyeba nani tozali pe tomipesa lokumu. Lolendo na biso ewuta na bomengo ya bonkoko na biso. Tobanda kozengela bonkoko na biso, topesa bana na biso pe ba mboka na biso ba kombo oyo ewuti na bonkoko na biso. Nini yango tozali kaka kopesa lokumu na bampaya

Ya liboso: ba kombo na biso ezala ya ba koko na biso; Ezala ba kombo ya ba mboka, ba bala-bala to pe ya bisika pe ya bato.

Ya mibale: tolongola lokoto ya bampaya na esika ya lokumu na mboka na biso. Minoko to pe ba ndinga ya lokumu ya mboka esengeli kozala ba oyo mineyi tondima: Lingala, kikongo, kiswahili na tshiluba. Bankasa nioso ya mboka, kobanda na misala ya leta esengeli esalemaka to pe ekomamelaka na minoko ya mboka kaka. Ba nsi-nkanda, to pe biteyelo nionso ya mboka esengeli baloba kaka minoko ya mboka. Bana nionso basengeli bayekola minoko oyo mineyi ya mboka. bakonzi ya biteyelo basengeli kofungola ba kelasi pona bato bakende koyekola minoko oyo mineyi.
Mokonzi moko te akoki koloba monoko ya bampaya soki azali kotambola na nkombo ya mboka. Neti tomonaka bakonzi misusu basalaka (ata bayebi anglais, to francais, bakonzi ya Russie balobaka kaka monoko na bango). Na eteyelo na America to na France, batangisaka bana na monoko na bango ya mboka - to pe lingala na bango. Oyo ya biso bana baniokuamaka koyekola nanu monoko ya bampaya pe bakisa lisusu mateya na monoko yango. Minoko na bango moko bayebi ata malamu te. Ebongaki mwana nionso ayekola na monoko alobaka na ndako na bango pe na engumba oyo ye avandaka. Soki na Kongo Central, akoloba pe koyekola na kikongo, oyo avandaka na Katango to pe Kivu, na swahili, na Equateur to pe Kinshasa, ekozala na lingala, kuna na Kasai bakoyekola na Tshiluba.
Biteyelo nionso ya mboka ekotangisa ba lokoto ya Lingala, Kikongo, Tshiluba na Swahili pe muana nionso asengeli ayeba yango. Francais to Anglais ekozala bapona moko.
Anglais na Francais esengeli elongua na passeport pe mikanda nionso ya leta na biso. Lingala, Kikongo na Tshiluba esengeli ebakisama.

Ya misato: Mbongo ya mboka esengeli ezala na makomi na biso. Pona nini tozali kobenga mbongo na biso : "Franc Congolais"? Franc ewuti na France! topesa mbongo na biso kombo lokola NZIMBU to pe MBELA. LIKUTA pe ezali mabe te.

Lelo soki okeyi na poto, ata moto moko te akoboma nzoto na ye po aloba monoko na yo ya mboka, okosala makasi osolola na monoko na bango. Bango pe soki baye epayi na biso esengeli baloba minoko na biso to pe bazua bandeko na biso na misala ya kobangula minoko.

Lipanda ya solo nde wana.

Un exemple a suivre/Ndakisa ya kolanda

Encore une fois, le guide libyen Kaddafi vient. une fois de plus, de demontrer que l'Afrique merite mieux et peut imposer aux anciennes colonies qu'elle a le droit a la dignite.

L"Italie, ancienne colonie, DEDOMMAGERA la Libye pour pres de 5 milliards de dollars.
Aux autres pays de suivre l'exemple.

http://www.jeuneafrique.com/jeune_afrique/article_depeche.asp?art_cle=AFP51228litalnoitas0

En plus, il va bientot eliminer l'administration qui est fortement corrompue afin que le peuple puisse disposer lui-meme des revenues du petrole.

L'homme qui voulait la creation d'es ETATS UNIS D'AFRIQUE, idee ferocement combattue par les PRESIDENTS-VALETS, vient de lever la barre encore plus haut. Vraiment loin de la racaille congolaise qui se fond en remerciements pour les "bienfaits" de la colonisation.

En lingala:

Gaddafi, tata mokonzi ya mboka Lybie, asili kozua mokano ya koboma ba ministeres eyike na mboka na ye mpo te bana mboka balia mbongo ya petrole bango moko pe bakoka komibatela. Amonaki ete bakonzi oyo bakambaka bango balikak na bango ba mbongo pe bayibaka.

Tala pe lisusu, mboka Italie endimi kofuta Libye 5 milliards de dollars mpona mabe basala bango na tango ya bohumbu. Bandimi kofuta mbongo wana mpona biloko na bango bayiba pe koniokola baniokola bango.

Ebongo biso na RDC, tokolamuka mokolo nini? \kaka kokendeke na \belgique kosengaka ba mbongo ya buzoba pe kopesa bango meleci?